Corcolon Lomi House (San Jose): Areh Na Kaya Ang Da Best Lomi In Batangas?

Tweet about this on TwitterShare on Google+0Share on Facebook3.8kShare on StumbleUpon0Pin on Pinterest0Share on LinkedIn0Share on Reddit0

Likas na sa ating mga Batanguenyo ang katakawan pag lomi ang lalantakan. Tayo yaong mga tipong laging lisaw ang mata pag maghahanap ng mga bagong lomian na makakainan. Lalo na kung may sasakyan ay talagang lilitar at lilitar kahit malayo. Basta may malantakan laang na masarap na lomi. Yuong ika nga’y da best lomi Batangas-style!

Corcolon San Jose: Areh na Kaya Ang Da Best Lomi In Batangas?

At isa na sa mga pinaguusapang maigi, dinadayo ngay on at ang sabi’y nagtatrapik daw sa kabukiran ng San Jose dahil sa dami ng nakain na de-sasakyan, ay ang Corcolon Lomi House sa Pinagtung-ulan, San Jose, Batangas. Isang hapon, ay dinayo namin ang Corcolon Lomi House at areh ang aming nadatnan sa San Jose:

Areh ang signboard ng Corcolon. Buti na laang at may signboard ang mga areh sa labas ng kanilang lomian. Kaya madali naming nakita.

corcolon lomi house signage

Mula Batangas City ay nagtanung-tanong kami sa mga taga-San Jose kung saan ang Barangay Balagtasin. Duon daw ang daan papuntang Corcolon na nasa Barangay Pinagtung-ulan o P. Ulan (San Jose). Awa ng Dios ay natunton namin ang lugar — bago sumapit ng Valentino Resort (na nasa P. Ulan din). Yun na ang pinaka-landmark ng lomiang areh. Kung galing bayan ng San Jose ay nasa bandang kanan areh ng karsada. Pag galing Pinagtung-ulan (o kaya’y Lipa o Cuenca) ay sa bandang kaliwa nakatulay ang poste ng signage na areh.

Simple laang ang set-up nareh. Ordinaryong lomian. Pero wag ka…corcolon lomi house setup

Areh ang mga pideng orderin, nakadampal sa pader. Sikat daw ang double toppings dine. Kaya naman, iyon ang inorder namin…corcolon lomi houes menu

Dine tayo oorder sa maliit na bintanang areh. Nadine din ang softdrinks at kung anu-ano pa…corcolon lomi house order

Kaunting intayan laang sa iyong inorder tulad din ng sa ibang ordinaryong lomian… Makalipas ang ilang minuto, areh ang inihayin sa amin. Double toppings!corcolon lomi house servings

Yung puting tagayan (mangkok o bowl) ay regular plus double toppings. Ang tagayang may guhit-guhit na asul ay ang big ng mga areh, plus double toppings.

 

Areh ang aking nilantakan. Regular lomi, may add on na double toppings (pahidi ang laway at natulo)…corcolon lomi house picture

 

Nilantakan ko ang aking inorder na lomi at areh ang aking masasabi…

Tunay kang nakakangimay ang dami ng toppings nareh. Dapat ay may higup-higop kang softdrinks (may Mountain Dew sila duon) habang nakain dahil nakakaumay ang isam bunton ng karneng itinoppings sa lomi. Sa pagkakaalam namin areng toppings na areh ay pinalutong at sinangkutsang liempo na ginayat-gayat at sinamahan pa ng dinurog na chicharon. May mga atay-atay din at bula-bola na nasa ilalim ng lomi na nagsisilbing pantanggal-umay habang nilalantakan mo ang lomi ng Corcolon. Mas masarap sana kung may itlog ng pugo at kikiam din na lahok areng loming areh.

Sulit Ga Sa Corcolon Lomi House (San Jose, Batangas)???

At kung huhusgahan natin ang awesomeness level nareng Corcolon Lomi House, ay areh:

Malasa ang lomi ng Corcolon. Sabihin nating nakakaangat sa mga ordinaryong lomian. Pero hindi ko masasabing da best lomi in Batangas. Subalit, kung kakaibang lomi ang hanap mo Kabayan at masarap din naman sa panlasa, ay inirerekomenda kong dayuhin mo ang lugar na areh sa San Jose.

Ang aking tagubilin laang sa iyo Kabayan ay:

Kapag sanay ka sa jumbo order ng lomi ay “Big” laang ang orderin mo dine. At pag sanay ka sa big order ng lomi, ay “Regular” laang ang orderin mo dine. Bakit? Baka ika’y mabaguhan sa lomi ng Corcolon dahil sa dami ng inilalagay na toppings ng mga areh.

Sa kasamaang palad ay nabigla nga kami sa servings ng Corcolon. Hindi namin naitaob ang aming mga inorder. Subalit kami ay pawang mga nabusog. Hindi na nakapaghapunan. 🙂

Babalik at maglolomi paga ako dine sa Corcolon?

Ay sadyang babalik ako dine. Kaso nga laang ay makalwahang linggo (dahil ako’y maumayin, he-he). Highly recommended sa mga hardcore lomi hunters! At yung mga damuhong malalakas maglomi! Ha-ha!

Ikaw ga? Nag-Corcolon ka na din ga? Mag-comment ka naman para malaman nila kung anung experience mo sa Corcolon Lomi House! At wag kalimutang i-share ang article na areh, Kabayan!

Tweet about this on TwitterShare on Google+0Share on Facebook3.8kShare on StumbleUpon0Pin on Pinterest0Share on LinkedIn0Share on Reddit0

26 thoughts on “Corcolon Lomi House (San Jose): Areh Na Kaya Ang Da Best Lomi In Batangas?

  1. kow!ka sarap nga deyan..ako po ay nkapirmi dito sa pangasinan at tga balagtasin ang aking napangasawa..sa tuwing ako po ay magbbkasyon sa kanila jan s balagtasin ih sadyang dumadaan ako jan s corcolon palage..hinahanap hanap ba gah…dti,hnd gnyan ang corcolon..simply lng at wla msydong costumer..kya ngulat ako noong pagbalik ko,ang dming nkapilang sskyan at ngbbgay nga ng trapik…kita ko ih,kadaming nadagdag sa menu at double toppings na nga at sumarap ang timpla nila..kya un siguro ang naghatak ng maraming costumer sa ngay on..

  2. haha ay magugulat ka nga pag gay on, pagbalik mo sa balagtasin ay guyor ang tawo sa corcolon! 😀

  3. Hi pwede po ba malaman kung pano makapunta dyan kapag galing batangas city po?

  4. From batangas city e drive to sanjose (of course haha) highway will branch out on da right going to san jose town proper and left to lipa. Drive past shell then after past bustop e turn left papunta sa bukid bukid ng sanjose… drive down to the bridge then up.. turn right on the first kanto!drive drive and youll see again the road branch out to the left and right.. take the right road na may banner ng “Valentino resort” then drive direcho lang and before u reach the Valentino resort e makikita nyo na sa right ang Corcolon.. ipagtanong nyo lang dun at alam ng mga tao dun ang corcolon if ever maligaw kayu 🙂 Goodluck!

  5. haha update update din pag may time bro! Serial lomi hunter ka pala brader hehe Mabuhay tayung mga blogger 🙂

  6. hahaha 🙂 amin yan ei Proud ako for that ,galing tlaga ng mama at dade q pinagkahirapan nila yang Lomian aq mgmamana nyan someday 🙂

  7. Para sa akin at ang panalong panalong lantakan diyan ay guisadong double toppings..pihong kada subo mo’y may mangangalot kang toppings. At pag hinayen sa iyo ay hahanapin mo kung nasaan ang miki..lahuki ng tinartar na sibuyas at tunay na solb ang epti…

  8. Aba’y sa susunod na pasyal ko’y guisado ang aking lalantakan at piho ko nga ay malasa nga… salamat sa suhestyon, Kabayan!

  9. Hehe congrats sa inyo.. maghanda-handa na kayo at pihong mas dadagsa pa ang kustomer ninyo diyan! Kami yun kumain jan nun isang araw, nitanong pa kita if kaanu-ano mo ang may-ari.. sabi mo pa nga ay parents mo 🙂 Sabihin mo sa iyong ina dapat ay may libreng kain ako diyan! Ha-ha jas kedeng

  10. Pre bilang isa certified maglolomi ano kaya marecommend mo pa sa amin lomian bukod dito, yung d best para sayo? Salamat pre

  11. Bro hindi ako certified na lomi hunter hehe pero try nyo lomi ng benito’s tapat ng eternal sa balagtas 😀 Tsaka Jorjanes kahit saang branch. megalomi sa alangilan, classic na yun ayus din. Tulungan mo akong hanapin ang Ibaan Lomi Haus na nasa bandang SM Pallocan dati, nawala na dun ih… masarap daw dun.

  12. hahahah 🙂 salamat po sa inyo ,. ms ndami po costumer nmin dahil sa inyo napaka bait nio po sana bigyan pa kau ng mraming blessing next tym pakilala po kau skin as Kulas kc po aq bahala my libre kau smin ,. tinutulungan nio po kc ang Corcolon ,. 😀

  13. Binalaan ko na kayo sa article ko, hehe 😀 Pero mayroon daw tamang pagkain ng lomi ng Corcolon.

  14. di na ako babalik dun pagkakalayo hahaha. mas masarap pa din yun lomi sa may P. Zamora, napakainit nga laang hahaha

  15. san yun sa zamora pare? parang alam ko yun, sa gitna ng zamora na may kantuhan palabas ng MH del Pilar? panu mo nasabe masarap, share naman? hehe

  16. Ayos din sa romlord sa my papuntang banaba a pool. Pag uwi ko diyan sa december matikman iyang corcolon kung ayos nga.

  17. Ay titingnan pag-uwi sa byernes. ay lagi ngang nakabandera sa epbi at instagram eh loming corcolon. pag yaan eh mas masarap sa lando sa san antonio eh babalik balikan ko yaan habang nakabakasyon. taunan din makakain ng lomi. walang makakuha ng timpalang batanguenyo sa riyadh…

  18. slex then star tollway, take san jose exit then lalabas ka sa munisipyo ng san Jose. Turn left pass by a bridge. The may left and right road.. left is papunta public market yun right ang way nyo dapat. a couple of meters, may intersection sa highway u go staright. Then take that road going down and up then may pakanan na road there. turn right there. then tanong tanong nalang there. If hindi makakaexit ng San Jose sa star tollway, take tambo exit/lipa exit then drive 15 mins to san jose town.

  19. Hi! Ang asawa ko yung Batanguenyo. Dinala kami ng kapatid niya diyan kahapon sa Corcolon Lomi House. Ang saya saya ko kasi ngayon lang ako nakakain ng Lomi na ganyang klase. Wala akong nakitang ganyan sa Manila. Ewan ko kung meron man ganyan sa Manila pero ngayon lang ako nakakain talaga ng Lomi na maraming toppings. Galit na galit sa lechon kawali at chicharon ang naglalagay ng toppings diyan kaya sulit siya sa presyo. Yun nga lang talagang sasadyain mo pa yung lugar kasi hindi siya sa tabi ng kalsada pero sulit naman talaga. Madali lang siyang puntahan kapag may sasakyan. Siguradong babalik ako diyan kasi masarap yung lomi. Sa mga nag hahanap palang ng review, maniwala kayo sa picture, ganyan talaga karami yung nilalagay na toppings. Hindi siya para sa mga nag di-diet at nag hahanap ng healthy na pagkain pero wala namang healthy food din na ganyan kasarap. Nanibago lang ako nung una kasi malagkit/malapot yung sabaw. Sa Maynila kasi ang Lomi para siyang egg drop soup na may miki at gulay. Sabi ng asawa ko yung Loming Batangas ay wala daw gulay at hindi talaga itlog ang pampa-lapot.

Leave a Reply

Your email address will not be published. Required fields are marked *